Qendra Kombëtare e Veprimtarive Tradicionale shpall konkurs të hapur për realizimin e logos dhe identitetit të ri vizual të institucionit, duke ftuar dizajnerë grafikë, studentë, profesionistë dhe të apasionuar pas dizajnit të paraqesin propozimet e tyre krijuese.

   

   1. Hyrje dhe qëllimi

Qendra Kombëtare e Veprimtarive Tradicionale është një institucion publik me mision ruajtjen, promovimin dhe transmetimin e trashëgimisë kulturore jomateriale shqiptare.

Në kuadër të forcimit të identitetit institucional dhe komunikimit vizual, QKVT synon krijimin e një identiteti të ri vizual, i cili të përfaqësojë në mënyrë dinjitoze vlerat, traditën dhe rolin e institucionit në kontekstin bashkëkohor.

Ky konkurs synon të nxisë kreativitetin dhe inovacionin, duke krijuar një logo dhe identitet vizual të qëndrueshëm, të dallueshëm dhe funksional në të gjitha format e komunikimit institucional.

    

   2. Objekti i konkursit

Pjesëmarrësit ftohen të paraqesin një propozim dizajni për identitetin vizual të QKVT, i cili duhet të përfshijë:

konceptin e logos;

logon përfundimtare;

identitetin vizual bazë;

aplikime të thjeshta të logos në materiale përfaqësuese.

Koncepti duhet të reflektojë misionin, vlerat dhe identitetin e QKVT, duke integruar elemente të trashëgimisë kulturore jomateriale shqiptare në një qasje moderne dhe funksionale.

   

   3. Udhëzime konceptuale

Propozimet duhet të reflektojnë në mënyrë të qartë:

trashëgiminë kulturore jomateriale dhe traditën shqiptare;

identitetin kombëtar dhe vlerat kulturore;

vazhdimësinë ndërmjet traditës dhe bashkëkohësisë;

një imazh institucional të besueshëm dhe përfaqësues.

Qasja e dizajnit duhet të jetë origjinale, e qëndrueshme dhe e aplikueshme në formate të ndryshme komunikimi.

  

  4. Përshtatshmëria

Konkursi është i hapur për:

dizajnerë grafikë;

studentë;

profesionistë të fushës;

individë të apasionuar pas dizajnit etj..

Pjesëmarrja mund të jetë individuale ose në grup

    5. Materialet për t’u dorëzuar

Çdo propozim duhet të përfshijë:

  5.1 Dizajnimi i logos

propozimi origjinal dhe i papublikuar më parë i logos;

shpjegim konceptual i dizajnit;

versione të logos me ngjyra, bardh e zi dhe monokrom;

Informacion mbi shkallëzueshmërinë dhe lexueshmërinë e logos.

 

   5.2. Identiteti vizual

koncept bazë i identitetit (brand-book i thjeshtuar);

paleta e ngjyrave (primare dhe sekondare);

tipografia (fontet e përdorura).

   5.3. Aplikime të thjeshta (Mock-up Konceptuale)

kartëvizitë;

kokë-shkrese;

përdorim në rrjete sociale;

materiale prezantuese dhe promocionale;
Cover prezantimi;

Merchandise

    

   6.Formati i dorëzimit

Propozimet duhet të dorëzohen në format digjital dhe të përfshijnë:

një dokument të vetëm PDF me të gjithë elementët;

materiale vizuale të strukturuara qartë;

formatet e logos në PNG, JPG dhe vektoriale (AI, EPS ose PDF).

    

   7.Afatet

Afati përfundimtar i dorëzimit të aplikimeve është: 19.04.2026

Aplikimet duhet të dërgohen në adresën: Info@folklor.gov.al

 

   8.Procesi i vlerësimit

Propozimet do të vlerësohen nga një komision i ngritur për këtë qëllim.

Kriteret e vlerësimit përfshijnë:

kreativitetin dhe origjinalitetin;

përputhshmërinë me misionin dhe identitetin e institucionit;

cilësinë vizuale dhe koherencën;

aplikueshmërinë dhe funksionalitetin;

cilësinë e prezantimit.

 

    9.Çmimi

Nga konkursi do të përzgjidhet një fitues.

Propozimi fitues do të përdoret si logo zyrtare dhe identitet vizual i QKVT.

Fituesi do të shpërblehet me një çmim të vetëm, me vlerën 60.000 (gjashtëdhjetëmijë lekë).

    10.Të drejtat e përdorimit

Autori i propozimit fitues njihet si krijues i dizajnit.

Qendra Kombëtare e Veprimtarive Tradicionale fiton të drejtën për përdorimin institucional të logos dhe identitetit vizual të përzgjedhur.